Средба на две легенди: Ѓоковиќ и Меси го украдоа шоуто во Мајами (Фото)

Новак Ѓоковиќ игра во одлична форма на Мастерсот во Мајами, а по вчерашниот триумф над Григор Димитров, му останува само уште еден чекор до додавање нов трофеј во богатата колекција.

Српскиот тенисер вчера беше дополнително мотивиран од присуството на Лионел Меси и неговото семејство на трибините, а двете големи спортски ѕвезди имале и срдечна средба далеку од очите на јавноста.

Ѓоковиќ му подарил потпишана маица, додека за возврат добил дрес на Интер Мајами од Меси, а српскиот тенисер испрати специјална порака на својот Инстаграм профил.

– Чест ми беше да запознаам величина како Лионел Меси и неговото семејство. Ти благодарам Лео, – напиша расположениот Ѓоковиќ.

 

View this post on Instagram

 

A post shared by Novak Djokovic (@djokernole)