Срдановиќ потпиша нов договор со „црвено-црните“: Доаѓањето во Вардар ми беше најдобриот потег во кариерата

Српскиот интернационалец, Марко Срдановиќ потпиша нов договор со поранешниот македонски шампион Вардар 1961.

Срдановиќ само неколку месеци е дел од „црвено-црните“, но за овој краток период остави силен впечаток, се наметна со своите изданија и со тоа се избори за нов договор според кој ќе остане во сегашната средина најмалку до 2026 година.

-Доаѓањето во Вардар ми беше најдобриот потег во кариерата. Одлично се снајдов во Скопје, клубот и играчите ме прифатија како семејство, и таа хемија носи резултат. Вардар создава тим што во иднина ќе биде не само квалитетен, туку и доминантен. Затоа сметам дека останувањето во Скопје е уште еден вистински потег.

-Имам одлични соиграчи, управа и пред се навивачи. Тоа секогаш носи резултат, -порача Срдановиќ кој во двократниот европски првак дојде од редовите на Металопластика.

foto: rkvardar.com.mk/

Вардар го освои Супер Купот на Македонија, додека во Суперлигата е на првото место во Б групата.