Србљак загуби во првото коло на турнирот во Србија

Македонскиот тенисер, Горазд Србљак доживеа пораз во првото коло на ИТФ фјучерсот што се игра во Куршумлијска Бања, Србија.

Србљак важеше за благ фаворит во соочувањето со Џереми Шифрис, меѓутоа по голема борба и три сета мораше на крајот спортски да му честита на ривалот од Германија.

Горазд тргна како што посакуваше и првиот сет го реализираше со 6-2, ама таа енергија, ритам не го задржа во вториот сет кој целосно мина во знакот на Шифрис кој со 6-1 дојде до 1-1.

Во клучната рунда Македонецот имаше подобар старт, но потоа му дозволи на противникот да направи два брејка, да го сврти резултатот и со 6-3 да се пласира во следната рунда.

Фјучерсот во Србија се игра на земјена подлога за награден фонд од 15.000 долари.