Србљак тргна победнички во Пирот, закажа осминафинале со третиот носител

Македонскиот тенисер, Горазд Србљак избори пласман во осминафиналето на ИТФ фјучерсот што се игра во Пирот, Србија.

Србљак успешно ја мина првата пречка во името на Џастин Робертс кого го совлада со 2-1 во сетови на денешното соочување на теренот број три.

Нашиот рекет тргна супер моќно и со 6-0 поведе со 1-0 во сетови, ама во втората „рунда“ видовме друга слика, голема борба во која по тај-брејкот Робертс израмни на 1-1 (7-3). Сепак Горазд покажа карактер и сигурност, па во третиот со 6-2 дојде до триумф кој го носи на пресметка со третиот носител на турнирот, Хуан Пабло Паз од Аргентина.

Паз е далеку подобро пласиран од Србљак на АТП листата и ќе има статус на голем фаворит во утрешната пресметка.