Србите направија компилација од судиските грешки кои ја однесоа Америка во големото финале (Видео)

Победата која ја оствари селекцијата на САД против Србија во полуфиналето на Олимписките игри ќе се раскажува уште некое време во јавноста, бидејќи за многумина тоа беше „финале пред финалето“ на турнирот во Париз.

Америка успеа да се врати од голема негатива и на крајот да ја оправда фаворитската улога, но многу кошаркарски експерти од Србија сметаат дека „дрим-тимот“ добил огромна помош и од судиите.

Селекторот Пешиќ по поразот нагласи дека се случиле многу чудни работи на теренот и дека Американците добиле „ветер во грб“ во обидот да се изборат за пресврт, а во меѓувреме се појавија и две видеа кои ги истакнуваат најголемите грешки кои ги протуркаа НБА ѕвездите до големото финале.

Победата на Америка е „под лупа“ поради одлуките на судиите од Босна, Панама и Летонија, а во видео компилацијата се потенцирани моментите во кои Американците прават чекори и фаули кои беа игнорирани од арбитрите.

Повеќе од јасно е дека овие видеа нема да им донесат никаков бенефит на Србите, кои веќе денеска ќе се борат за бронзата во дуелот со Германија во 11:00 часот.

Ево људи, обећао сам да ћу још једном да погледам друго полувреме синоћњег меча против САД да бих издвојио судијске одлуке тј. грешке које су тенденциозно и у континуитету прављене на нашу штету. Уживајте или немојте, немам појма… 🥲🥲 https://t.co/Me3hqS69EC pic.twitter.com/NdpYjINNoD

— ВЛАДЕ 🏀 (@vladegoat) August 9, 2024