Србите го бараат наследникот на Пешиќ, две имиња се во игра

Искусниот Светислав Пешиќ нема повеќе да ја води селекцијата на Србија со која се збогуваше со бронзен медал на Летните Олимписки Игри во Париз.

Популарниот Кари реши да се повлече, да остави простор за некој друг да застане на жеокото столче, позиција на која секогаш се бараат резултати, големи успеси.

Србите допрва треба да изберат и прв човек на кошаркарската федерација, но според „Спортски Журнал“ наследникот на Пешиќ ќе се бара меѓу две имиња, Александар Ѓорѓевиќ и Саша Обрадовиќ.

На Ѓорѓевиќ не му е непозната оваа позиција затоа што истата веќе ја извршуваше и е слободен откако ја заврши приказната со Кина.

Обрадовиќ пак го води Монако, клуб со големи амбиции и останува да се види дали ќе може да се дојде до договор.