Срамна глума на големото дерби меѓу ПСВ и Ајакс, коментаторот не можеше да поверува што гледа (Видео)

Нусаир Мазрауи постигна страшен гол за победа на Ајакс во најголемото холандско дерби против ПСВ, но во моменти кога гостите се обидуваа да ја задржат предноста од 1:2 во судиското надополнување, пристигна и момент кој остава лош впечаток за фудбалер од тимот на Тен Хаг.

Лисандро Мартинез има за задача да го брани голот на Ајакс како еден од двајцата стопери на Тен Хаг, па и покрај тоа што по правило треба да биде еден од најцврстите на теренот, вчера се прикажа во едно доста лошо светло.

Аргентинскиот дефанзивец исценира прекршок од противничкиот фудбалер и оскаровски се вртеше неколку пати на земјата алармирајќи посериозна повреда, поради што изнуди реакција и од своите соиграчи.

Мартинез заврши надвор од теренот во прв момент, но потоа се врати со тркалање и го шокираше коментаторот на „Спорт Клуб“ кој во неверица гледаше што прави Аргентинецот во дадената ситуација.