Спринт трката на Силверстоун донесе прва победа за Алекс Маркез во „кралската класа“

Алекс Маркез беше промовиран во Мото ГП како шампион во Мото3 и Мото2, а после три години минати во „кралската класа“, конечно го дочека денот за кој сонува секој мотоциклист.

Помладиот од браќата Маркез стигна до прва победа во најсилна конкуренција, откако ова попладне беше најдобар на хаосот на Силверстоун и триумфираше на спринт трката.

Алекс се снајде најдобро на влажната патека во Британија и заврши прв пред Беѕеки и Вињалес, момент кој сигурно ќе го памети до самиот крај на својата кариера.

Шпанецот беше за нијанса подобар од Беѕеки и освои 12 бода на спринт трката, што секако е најдобра увертира за него пред утрешното главно случувањата на трката за Големата награда на Велика Британија.

Бодови на спринтот освоија уште Зарко, Еспаргаро, Мартин, Милер, Фернандез и Биндер, додека огромни разочарувања дожвивеаја Бањаја како 14-ти, Марк Маркез како 19-ти и Фабио Квартараро како 21-ви.