Спортскиот директор на Наполи: Осимен најави дека заминува

Наполи влегува во новата сезона со Антонио Конте на клупата и со неколку засилувања. од чија бројка новиот тренер сепак и не е премногу задоволен.

И додека раководството се обидува да го освежи ростерот, се поизвесно е дека Наполи во новата сезона ќе остане без голгетерот Виктор Осимен.

Нигериецот одамна е приоритет на клубови како ПСЖ и Челси, а спортскиот директор Џовани Мана им потврдил на медиумите дека побарал да му биде дозволен трансфер ова лето.

– Виктор е фудбалер кој сака да замине, веќе ни ја соопшти својата одлука.

– Уште минатата сезона беше блиску до вакво нешто, така што клубот не е изненаден, имаме фудбалери кои можат да го заменат. Осимен е важен играч, но преферираме да го заштитиме колективот и да градиме тимски дух, останува да видиме што ќе се случува во последните дваесетина дена од преодниот рок, – изјавил Мана.

Како најсериозен кандидат да го наследи Осимен се споменува Ромелу Лукаку и тоа е желба и на тренерот Конте.

– Лукаку е фудбалер на Челси и не можам да коментирам за него. Треба да доведеме офанзивен фудбалер, но не мора да значи дека тоа ќе биде Лукаку., – вели Мана.