Спортинг се ослободи од тренерот кој го наследи Аморим

Спортинг Лисабон не можеше да го запре заминувањето на Рубен Аморим во Манчестер Јунајтед, стратег кој испиша историја со оваа екипа, стратег кој остави тим кој едноставно „леташе“ и во клубот очекуваа таа приказна да продолжи со  Жоао Переира кој пристигна од вториот тим.

Меѓутоа Спортинг се изгуби под водство на Переира и на осум средби забележа само три победи со што беше запалено црвеното светло кај управата која официјално одлучи да му врачи отказ на поранешниот португалски репрезентативец.

Раководните луѓе очекуваат многу повеќе и поради ова експресно реагираа и се ослободија од Жоао за кого веќе и пронајдоа замена во 43 годишниот Руи Боржес кој доаѓа од редовите на Виторија Гимараеш.