Спортинг не мрдна на „Сигнал Идуна парк“, Борусија ќе игра осминафинале

Борусија Дортмунд игра очаен фудбал во германската Бундеслигата, но барем може да се утеши што ќе биде дел од осминафиналната фаза во Лигата на шампиони.

Германскиот тим не наиде на посериозен отпор од Спортинг и на вториот натпревар, па откако славеше 0:3 во Лисабон, денешниот меч беше само чиста рутина.

Борусија одново беше далеку подобра и не реализираше пенал преку Гираси, а гол му беше поништен на Емре Џан поради офсајд.

Без оглед на нереализираните шанси, конечните 0:0 уште една покажаа дека Спортинг нема што да бара во елиминациската фаза во Лигата на шампиони, бидејќи гостите испратија само еден директен шут кон голот.

Со вкупни 3:0, Борусија се пласираше во следната фаза на најелитното натпреварување, па така останува да ги дознаеме уште последните три патници во оваа рунда.