„Сплеш браќата“ во акција: Кари и Томпсон почнаа да испраќаат заеднички „проектили“ во НБА лигата (Видео)

НБА програмата беше доста скромна ова утро и се одиграа само два натпревари, на кои видовме и два очекувани резултати со оглед на околностите и силите на теренот.

Голден Стејт ја продолжи својата добра серија на резултати благодарение на „Сплеш браќата“, односно извонредните Стеф Кари и Клеј Томпсон кои заедно уфрлија 52 поени.

По долгата пауза и враќањето на теренот, Клеј Томпсон се повеќе наликува на играчот од минатото и стигна до најдобар учинок од 23 поени оваа сезона, но посебно беа импресивни со својот долгогодишен сојузник со нивното најдобро оружје.

Во одлучувачките моменти „Сплеш браќата“ погодија извонредни тројки и ги фрлија во транс фановите и своите соиграчи, па така на крајот победата од 124:115 беше неизбежна.

На вториот меч, Филаделфија ја оправда фаворитската улога против Лос Анџелес Лејкерс кој беше значително ослабен без Леброн Џејмс, за што говори и резултатот од 105:87.

Ембид и Херис постигнаа по 26 и 23 поени како лидери на Филаделфија, додека најефикасен на мечот беше Ентони Дејвис од редовите на Лејкерс со 31 поен.

💦 The Splash Bros. combine for 52 PTS 💦

Klay Thompson & Steph Curry combine for 11 3PM@KlayThompson: 23 PTS, 5 REB, 5 3PM@StephenCurry30: 29 PTS, 8 REB, 6 AST, 3 STL, 6 3PM pic.twitter.com/KgZginPfiN

— NBA (@NBA) January 28, 2022