Спектакуларната корнер-акција на Динамо ги воодушеви фановите (Видео)

Динамо презентираше фантастичен фудбал и со 3:0 го победи Карабах во првиот натпревар од баражот за влез во Лигата на шампионите, резултат кој дефинитивно го носи загрепскиот великан на чекор од групната фаза.

Стефан Ристовски за жал заработи повреда во раната фаза и мораше брзо да го заврши мечот, но и без него на теренот, Динамо постигна три гола и запиша важен триумф пред реваншот наредната недела.

Избраниците на Јакировиќ постигнаа три гола и создадоа уште неколку фантастични прилики, меѓутоа најатрактивна беше онаа од раната фаза, кога на теренот беше и Ристовски.

Динамо презентираше разработена акција од корнер во која учествуваа Батурина, Мишиќ и Петковиќ, а акцијата заврши со удар на првиот во гредата од голот.

За жал, оваа извонредна акција не заврши со гол, но таков не беше епилогот пред една година кога беше изведена истата акција во Првата лига во Хрватска.

ИДентичната комбинација заврши со гол на Батурина против Горица минатата сезона, па јасно е дека ова е добро воиграна и разработена акција од соиграчите на Ристовски.

Видеото погледнете го ТУКА