Спектакуларна техника: „Ракетата“ на Ракитиќ ја спаси Севилја на дербито против најомразениот ривал (Видео)

Големата пресметка во Андалузија е онаа меѓу омразените ривали Севилја и Бетис, два тима кои вечерва повторно понудија натпревар со многу тензија, но и со два гола во вториот дел.

Бетис беше за нијанса поконкретен ривал и успеа да поведе со голот на Ајозе во 72-та минута, откако претходно во првиот дел им беше поништен гол, а гостите имаа и една стопроцентна шанса која не ја искористија.

Погодокот на Ајозе дојде во вистинско време за тимот на Пелегрини, но тоа сепак не беше доволно за да се урне и откаже лутиот градски ривал, кој до крајот на мечот успеа да се врати.

Севилја израмни на 1:1 и петти меч во низа одигра нерешено во Ла Лига, а најзаслужен за тоа беше Иван Ракитиќ кој демонстрираше страшна техника.

Хрватот испрати „ракета“ од колено и биеше неодбранливо во голот на гостите, па со мајсторијата спречи пораз за Севилја во дербито.