Поврзете се со нас

Боречки спортови

Спектакуларна борба: Волкановски го предизвика големиот шампион, фановите разочарани од одлуката на судиите (Видео)

Објавено

на

Foto:twitter.com/ufc

Борбата меѓу Александар Волкановски и Ислам Махачев беше долго најавувана од страна на УФЦ, а истата се одржа ова утро во Перт и не ги разочара големите фанови на боречките вештини.

Австралиецот со македонско потекло како исклучително доминантен во перо категорија реши да направи скок погоре и доби на килажа за да се натпреварува во лесна категорија, па мора да се признае дека воодушеви во борбата со актуелниот шампион Махачев.

Русинот кој е роден во Дагестан е од школата на борци која донесе големи шампиони како Хабиб Нурмагомедов, а многу слична е и неговата техника на борење како онаа на пензионираниот „орел“.

Махачев влезе како голем фаворит во борбата, но Волкановски покажа дека е извонреден борец и фантастично парираше против ривалот, па дури му зададе и повеќе удари во глава.

Австралиецот имаше огромна поддршка во Перт и успеа да остане на нозе пет рунди, но за жал после 25 минути, судиите со едногласна одлука му ја доделија победата на Махачев (48-47, 48-47, 49-46).

Ова предизвика големо незадоволство кај навивачите во Перт, а разочарани на социјалните мрежи се и неутралните фанови кои сметаат дека Волкановски заслужил победа.

Реклама
Реклама
Реклама

Популарни