Спектакуларен старт: Македонија ги отвора квалификациите против Шпанија

Македонија ова попладне ги дозна трите противници во првата фаза од квалификациите за Светското првенство во кошарка, но неполни два часа по извлекувањето во Швајцарија, познат е и „возниот ред“ кој ќе го има нашата најсилна селекција.

Стартот не може да биде повозбудлив и поспектакуларен за македонските кошаркари, бидејќи во првото коло кое е на програмата во месец ноември ќе играме против актуелниот светски шампион.

Македонија ќе и биде домаќин на Шпанија на 26-ти ноември во првото коло од групата Г, а три дена подоцна, првиот ФИБА прозорец го затвораме со дуел против Украина на гостински терен.

Во месец февруари следат два натпревари против селекцијата на Грузија, на гостински и домашен терен, во петтото коло и гостуваме на Шпанија, додека првата рунда од квалификациите ја затвораме на домашен терен против Украина во јули 2022-ра година.

Распоред на натпревари за Мундобаскетот:

1. КОЛО – 26.11.2021
Грузија – Украина
Македонија – Шпанија
2. КОЛО – 29.11.2021
Шпанија – Грузија
Украина – Македонија
3. КОЛО – 24.02.2022
Шпанија – Украина
Грузија – Македонија
4. КОЛО – 27.02.2022
Украина – Шпанија
Македонија – Грузија
5. КОЛО – 01.07.2022
Шпанија – Македонија
Украина – Грузија
6. КОЛО – 04.07.2022
Грузија – Шпанија
Македонија – Украина