Поврзете се со нас

Некатегоризирано

Спектакуларен натпревар на „Олимпико“ со осум гола: Лацио и Удинезе ги поделија бодовите (Видео)

Објавено

на

Лацио и Удинезе вечерва на „Олимпико“ го понудија сигурно најубавиот натпревар во Серија А оваа сезона.

Во еден борбен и жесток натпревар во кој видовме и три картони, клубовите ги поделија бодовите играјќи со конечен резултат 4:4.

Бето уште во 17. минута го отвори резултатот и донесе водство за Удинезе, а истиот играч зголеми на 2:0 во 32. минута од натпреварот.

Најдобриот играч на Лацио, Чиро Имобиле го врати домашниот тим со гол само две минути подоцна, но пред самиот крај на полувремето Молина постигна гол за водство на Удинезе од 3:1.

И кога многумина мислеа дека клубот од Удине лесно ќе го задржи водството, Лацио брзо се врати и преку Педро и Милинковиќ –Савиќ уште на стартот на второто полувреме успеа да израмни.

ВО 79. минута домашниот тим стигна и до водство откако Ачерби по четврти пат ја затресе мрежата на Удинезе.

Тогаш сите мислеа дека противникот е „дотолчен“, меѓутоа Удинезе успеа да се издигне и во 99. минута преку Арслан да погоди за конечни 4:4.

Реклама
Реклама
Реклама

Популарни