Поврзете се со нас

Светски првенства

Спектаклот се претвори во фијаско: „Чаир“ остана без струја, Белгија најави бојкот на дуелот со Србија

Објавено

на

Србија и Белгија вчера требаше да одиграат интересен натпревар од првата квалификациска фаза за кошаркарското Светско првенство, но организацијата потфрли и навивачите останаа разочарани бидејќи видоа само девет поени на теренот.

Средбата е прекината при резултат 3:6 откако во салата „Чаир“ во Ниш се изгасиле рефлекторите, а домаќините не успеале да го вратат напојувањето со електрична енергија и наредните неколку часа.

ФИБА го презакажа натпреварот за денес од 19 часот, но според српските медиуми, Белгијците не сакаат да излезат на терен и барале победа со службен резултат.

Ваквото сценарио би бил дополнителен удар за европската кошарка, а се чини дека Белгија ризикува да не добие прифаќање на аргументите и без борба да ги загуби бодовите.

Новиот термин е 19 часот вечерва, a евентуалниот бојкот на гостите ќе биде големо разочарување за навивачите во Ниш кои со нетрпение чекаа да следат натпревар на својата репрезентација.

Србија и Белгија имаат по 8 бода и се борат за второто место во групата, во која на врвот е Летонија.

Реклама
Реклама
Реклама

Популарни