Поврзете се со нас

Лига на шампиони

Спектакл во Истанбул: Турчинот Кавечи правеше чуда на теренот, Лајпциг победи во неверојатната драма (Видео)

Објавено

на

Фудбалските фанови кои го гледаа навидум неатрактивниот дуел меѓу Истанбул Башакшехир и Ред Бул Лајпциг во раниот термин од Лигата на шампионите дефинитивно нема да зажалат за одвоеното време, бидејќи двата тима приредија вистински фудблски спектакл кој содржеше луд расплет и понуди фантастични седум гола.

На крајот, германскиот состав на крајно драматичен начин успеа да ја врати победата која се чинеше дека им побегна, откако во второто полувреме испуштија позитива од 1:3, пред да постигна гол за конечни 3:4 во судиското надополнување.

Ред Бул Лајпциг беше подобар тим и Поулсен, Мукиеле и Олмо беа стрелци на головите со кои се чинеше дека е обезбедена победата, но така не мислеше и Ирфан Кавечи кој правеше чуда на „Фатих Терим“ стадионот во Истанбул.

Кавечи постигна три гола од дистанца и покажа завидна техника за шут со својата лева нога, со тоа што убедливо најатрактивен беше оној за 3:3 во 85-та минута од слободен удар. Овој погодок се чинеше дека комплетно ги разниша Германците, но сепак последниот збор го имаше резервистот Сорлот кој во 92-та минута ги постави конечните 3:4.

Турчинот Кавечи на овој натпревар одигра многу за Манчестер Јунајтед и ПСЖ, но на крајот Лајпциг ги освои трите бода и сега изврши притисок врз фаворитите пред нивната меѓусебна пресметка на „Олд Трафорд“.

Реклама
Реклама
Реклама

Популарни