Спарта го разби Салцбург во Прага, мирно на „Ренато Дал’Ара“ (ВИДЕО)

Спарта Прага по долго време се врати на големата сцена во Лигата на шампионите и тоа со убедлива претстава против тимот кој е редовен учесник во групната фаза, составот на Салцбург.

Клубот од Чешка им одржа лекција на „биковите“ со резултат 3-0. Домаќините уште во првиот дел се стекнаа со водство од 2-0 со погодоците на Каиринен во 2 и на Олатунџи во 42 минута.

И по одморот ништо не се промени, Спарта го имаше првиот удар со кој воедно и ја заврши работата, а тоа беше голот на Лаци во 58 минута.

За разлика од Прага, немаше голови на соочувањето меѓу Болоња и Шахтјор Доњецк во Италија. Калчолигашот имаше иницијатива, повеќе удари, ама најголемата шанса за триумф на пропуштија гостите преку Судаков кој не реализираше удари од 11 метри во 4 минута.