Спалети со совет до Рома за иднината на Дибала: За тим кој сака да изгради победнички менталитет…

Пауло Дибала влезе во последните месеци од договорот со Рома и веќе со почетокот на 2025 година може без проблеми да преговара со останатите клубови, поточно да потпише преддоговор и од наредното лето да се пресели кај нив без обештетување.

Секако активна е и опцијата калчолигашот да го продаде Аргентинецот во зимскиот преоден рок со тоа што низ јавноста се споменува опцијата Галатасарај. Во меѓувреме пак Дибала вчера даде два гола и запиша асистенција во убедливиот настап на „волчицата“ против Парма и со тоа дефинитивно испрати јасна порака до управата на клубот во однос на тоа дали заслужува да добие продолжување на соработката.

Лучано Спалети во минатото ја водеше Рома, па од аспект на тоа што Пауло може да донесе тој испрати директен совет до поранешниот клуб.

-Сите знаат дека Дибала е играч кој може да натера цел тим да работи, бидејќи има техника, се комбинира со сите и има квалитет секогаш кога топката ќе му биде во нозе. Има око за гол. Можеби единственото нешто што му недостасува е малку физичка сила, но сепак тој е врвен играч.

-Тешко ми е да кажам. Знам дека Дибала е одличен играч и за тим кој сака да изгради победнички менталитет, најдобро е да задржи играчи како него, -порача актуелниот италијански селектор.