Спалети со комплименти за Елмас: Од него добивме константен и избалансиран притисок, тој ги тераше противниците…

Македонскиот репрезентативец, Елиф Елмас доби нова задача на вчерашниот меч против Милан во Лигата на шампионите, средба на која играше како лажна деветка.

Во отсуство на класичните напаѓачи Виктор Осимен и Џовани Симеоне, нашиот репрезентативец ја доби довербата од тренерот Лучијано Спалети, па максимално се бореше низ сите 90 минути, го притискаше противникот, а имаше и една убава шанси при која Мењон со помош на гредата спречи радост на наполитанците.

Мењон и гредата спречија мајсторски гол на Елмас, Милан ја доби првата епизода во четвртфиналето (Видео)

-Со вистински напаѓач можеби ќе имавме и повеќе шанси, ама Елмас беше тој што ги тераше да грешат во зачетокот на акциите. Поради него прелесно ја добивавме топката при градењто на акциите. Би рекол дека со Елиф може имавме и помалку шанси отколку со напаѓач, ама затоа тој ги притисна и ги форсираше да немаат чиста игра, потоа ние ја градевме нашата игра кон противничкиот гол. Од Елиф добивме константен и балансиран притисок. Сега шансите Осимен да го имаме за реваншот се веќе сто отсто, а фактот дека го сочувавме ни овозможува дополнителна работа со лекарите за да биде максимално фит за пет дена, -порача тренерот Спалети.

Наполи сега има лигашки предизвик со Верона, па следи реваншот со „црвено-црните“ на „Диего Армандо Марадона“.