Поврзете се со нас

Лига на шампиони

Спалети: Само некомпетентни луѓе велат дека ова е добра ждрепка, Милан е фаворит!

Објавено

на

Foto:twitter.com/en_sscnapoli

Наполи ќе игра против Милан во четвртфиналната рунда во Лигата на шампионите, па за многумина лидерот во Серија А е фаворит во оваа пресметка за пласман во наредната фаза.

Наполитанците играат фантастично во оваа сезона како во првенството така и во Европа, но за тренерот Лучијано Спалети е лудост да се каже дека неговата екипа е во поволна ситуација и има огромна предност во пресметката со тимот кој има седум пехари во елитното натпреварување.

-Повеќи сакав да не се сретнеме со италијански тим. Веќе слушнав некои работи, само некомпетентни луѓе велат дека ова е добра ждрепка за нас затоа што Милан се чувствува како дома во ЛШ, имаат трумфирано седум пати и се втори зад Реал Мадрид. Само нивниот директор Паоло Малдини петпати ја има освоено титулата.

-Во изминатите неколку дена, прочитав дека ПСЖ и другите тимови како Сити се мачат да одат до крај затоа што немаат европско искуство. Ако она што тие го пишуваат е точно, тогаш мора да кажеме дека Милан е фаворит во Лигата на шампионите. Тие го нокаутираа Тотенхем, тоа не е само било кој тим, -порача тренерот на нашиот Елиф Елмас.

Реклама
Реклама
Реклама

Популарни