Поврзете се со нас

Италија

Спалети ги предупреди италијанските ѕвезди: Ако ви е потребна дополнителна мотивација, останете си дома!

Објавено

на

Foto:twitter.com/Azzurri_En

Лучијано Спалети ја презема италијанската фудбалска репрезентација откако ја освои титулата во Серија А, достигнување кое му овозможи да биде прогласен за најдобар тренер во 2023-та година.

Спалети ја доби наградата „Златна клупа“ која традиционално се доделува на најдобриот фудаблски стручњак во Италија, а повеќе од половина од гласовите му припаднале на поранешниот тренер на Елиф Елмас.

По добиеното престижно индивидуално признание, Спалети се обратил пред присутните новинари и посочил дека одговорноста како селектор е уште поголема, но истото важи и за репрезентативците до кои испрати предупредување.

– Стандардните репрезентативци мора да бидат во добра форма за да бидат важни на Европското првенство. Ќе биде важно да имаме играчи кои се подготвени да се жртвуваат за тимот на различни позиции.

– Потребни ми се фокусирани играчи, на оние кои им треба мотив плус за да играат за репрезентацијата, им порачувам да си останат дома. Нема потреба да мотивирам некого. Ако некој добие повик и очекува да биде мотивиран од мене, тоа значи дека сум направил грешка. Националниот тим е најважното нешто, нема потреба да мотивирам некого за да игра за репрезентацијата, – изјави Спалети.

Реклама
Реклама
Реклама

Популарни