Сопствениците на Ливерпул продадоа дел од акциите за да покријат банкарски долгови

Ливерпул веќе неколку години е во сопственост на американската компанија „Фенвеј Спортс груп“, а истата таа сега решила да продаде дел од акциите на друг субјект.

Малцински дел акции ќе заврши кај компанијата „Дајнасти Еквити“, со што актуелниот сопственик заврши со барањето на инвеститор, со чии пари ќе бидат покриени долгови кон банките.

Засега не е јасно колку пари чинат продадените акции, но според „Би-Би-Си“ сумата се движи меѓу 82 и 163 милиони фунти.

Ливерпул заработуваше 100 милиони фунти помалку во периодот на пандемијата, инвестираше 50 милиони во нов тренинг центар, како и откупување на претходниот, кој сега се користи од женската екипа.

Во меѓувреме околу 200 милиони фунти беа планирани за реконструкцијата на „Енфилд“, додека сопствениците потрошија 145 милиони фунти за засилувања само во последниот преоден рок.