Сопругата на Касемиро со една слика им одговори на сите хејтери (Фото)

Касемиро имаше ужасен крај на минатата сезона и играше далеку под просекот на кој навикнавме да го гледаме во Реал Мадрид, па иако новата ја започна навистина добро, вчера имаше момент на помрачување на „Олд Трафорд“.

Бразилецот направи две почетнички грешки и истите резултираа со два гола на Ливерпул во мрежата на Онана, а после овој расплет, сценариото за Касемиро беше уште побрутално бидејќи беше изваден од игра.

Ерик Тен Хаг го повлече на полувреме и јасно стави до знаење што мисли за неговото издание, па тоа беше само причина плус да видиме рафал од критики кон искусниот играч за врска.

Дел од експертите сметаат дека Касемиро веќе не поседува квалитет да игра во најсилната фудбалска лига во Англија, па во моменти кога е убедливо најкритикуван играч на Јунајтед, во одбрана на Бразилецот застана неговата сопруга.

Ана Маријана реши со една слика да им одговори на сите хејтери, покажувајќи ја богата колекција од трофеи која ја има освоено нејзиниот сопруг.

🚨 Casemiro wife on IG reminding everyone how many trophies her husband has won. pic.twitter.com/Qm2WAIyKUI

— Janty (@CFC_Janty) September 1, 2024