Сопругата на Ѓоковиќ издоминира на социјалните мрежи со коментарот за „кражбата“ на Синер (Фото)

Јаник Синер сам ја соопшти веста за две големи новости во неговиот тим, односно ангажманот на Марко Паники и Улисес Бадио како кондицински тренер и физиотерапевт.

Светскиот рекет број еден ги отпушти своите блиски соработници Џакомо Налди и Умберто Ферара пред стартот на Ју-Ес Опен, а откако ја освои титулата во Њујорк, ја извести јавноста дека ангажира луѓе кои фановите беа навикнати да ги гледаат во боксот на Новак Ѓоковиќ.

Оваа тениска „кражба“ предизвика многу реакции на социјалните мрежи меѓу тениските фанови, но убедливо најдобриот коментар го даде Јелена Ѓоковиќ.

Сопругата на Србинот направи објавата на Синер да биде уште посподелувана, и тоа поради оригиналниот комичен коментар кој го даде за трансферот на Паники и Бадио во тимот на Јаник.

– Јас не се давам, – порача Јелена, јасно алудирајќи дека таа не планира да го напушти тимот на својот сопруг.