Сон погоди директно од корнер, Тотенхем последен патник во полуфиналето на Лига Купот (ВИДЕО)

Тимот на Тотенхем го обезбеди последниот билет за полуфиналето на англискиот Лига Куп и тоа откако вечерва во ефикасен, динамичен меч беше подобар од Манчестер Јунајтед со 4-3.

Во дуел во кој не се прославија голманите (Фостер и Бајиндир), „петлите“ подобро се снајдоа и обезбедија пласман во наредната фаза во која се уште Ливерпул, Арсенал и Њукасл.

Домаќините водеа со 3-0 до 63 минута со погодоците на Соланки (2) и Кулушевски, но Јунајтед набрзина дојде до два гола и до 70 минута резултатот беше 3-2.

Овој резултат беше активен до 88 минута кога Сон реализираше директно од корнер, ама прашање е дали овој погодок ќе беше признаен ако имаше ВАР затоа што постоеше контакт меѓу Бергвал и голманот Бајиндир.

SON SCORES FROM A CORNER pic.twitter.com/lzUZB7dHdy

— Tottenham Tiers (@TottenhamTiers) December 19, 2024

GOLAÇO OLÍMPICO DO SON!

TOTTENHAM 4-2 MANCHESTER UNITED!pic.twitter.com/n98alz6B18

— Curiosidades PL (@CuriosidadesPRL) December 19, 2024

До крајот гостите намалија со голот на дефанзиевцот Еванс, но немаше време за нешто плус на ова соочување во Лондон.