Солскјер со едноставен одговор за тоа дали Јунајтед може да ја освои титулата

Фудбалерите на Манчестер Јунајтед денеска му овозможија големо задоволство на својот менаџер Оле Гунар Солскјер, кој потоа и го истакна значењето на победата над градскиот ривал Сити.

Јунајтед ја прекина долгата серија победи на „граѓаните“, а Солскјер не криеше дека е презадоволен од настапот на својата екипа.

– Мора да се биде задоволен кога ќе одиграте вака на гостински терен, ќе победите и притоа нема да примите гол.

– Секој натпевар е различен, денеска Марсијал беше оној стариот, одигра многу добро. Сепак, игравме добро и во одбрана, бидејќи никој не може да го победи Сити ако не функционира добро како колектив, – изјавил Солскјер.

Иако Јунајтед ја намали негативата на единаесет бодови на десет рунди до крајот, Норвежанецот не очекува да има изненадување во однос на борбата за титулата.

– Ова беше само една победа, тие се предалеку и не верувам дека има шанси да ги стигнеме. Сити има одлична сезона, дури и денеска трпевме сериозен притисок, – вели Солскјер.