Солскјер открил дека Јунајтед го одбил неговиот предлог за трансфер на Халанд во 2018 година

Оле Гунар Солскјер му го препорачал Ерлинг Халанд на Манчестер Јунајтед уште во 2018 година, но англискиот клуб тогаш не сакал да ги слуша неговите совети поврзани со потенцијалот на напаѓачот.

Солскјер им открил на медиумите дека во периодот кога бил тренер на Молде, го контактирал својот поранешен клуб, посочувајќи го Халанд како талент во кој вреди да се инвестира. Халанд тогаш настапуваше под водство на Солскјер, а неговата цена била смешна за клуб како Манчестер Јунајтед.

– Се јавив во Јунајтед шест месеци пред да станам менаџер на овој клуб и им кажав дека во Норвешка има еден добар напаѓач, но тие не сакаа да слушаат.

– Им побарав да инвестираат 4 милиони фунти за Халанд, но тие не го направија тоа, – открива Солскјер.

Четири години подоцна, Халанд го засили градскиот ривал Манчестер Сити и уште во првата сезона собори многу голгетерски рекорди.