Солскјер нема дилеми кој ќе биде неговиот одговор ако Јунајтед побара да го замени Тен Хаг

Ерик Тен Хаг веќе една година работи со голем притисок, но англиската јавност очекува истиот да се зголеми и да стане неподнослив доколку тимот не ги поправи резултатите.

Манчестер Јунајтед игра променливо и неубедливо и на стартот на оваа натпреварувачка сезона, па проценките се дека Холанѓанецот нема да ја заврши истата доколку не го промени овој тренд во блиска иднина.

Последното реми со Твенте во Лигата на Европа одново му донесе серија критики, а во средина на такви натписи, интересна изјава пристигна и од Норвешка.

За време на една бизнис конференција во Лилстор, легендарниот Оле Гунар Солскјер бил директно запрашан дали би се вратил во Јунајтед како замена за Тен Хаг, по што Норвежанецот дал искрен одговор.

– Ако твоето семејство те повика, вие сте достапни за нив секој ден од неделата. Така е и за мене, тука сум ако добијам повик од Јунајтед. Знам дека чувството е лошо да е зборува за работа која ја имаат други луѓе, но секако би кажал „ДА“ на Јунајтед, – изјавил Оле.