Солскјер има јасна цел до крајот на сезоната: Да го престигнеме Челси и да ги нападнеме трофеите…

Менаџерот на Манчестер Јунајтед, Оле Гунар Солскјер истакна дека едвај чека сезоната во Премиер лигата да продолжи.

Англиските медиуми јавуваат дека се поизвесно е враќањето на фудбалот во Англија откако „Проектот Рестарт“ ќе наиде на одобрување кај клубовите.

Солскјер пред продолжувањето на сезоната изјави дека во клубот имаат јасна цел, да го престигнат Челси во битката за четвртата позиција, а потоа да нападнат некој од трофеите во ФА Купот или во Лига Европа.

– Сакаме повторно да почнеме да играме и со тоа да го престигнеме Челси. Имаме и две натпреварувања во куповите кои претставуваат бонус за нас. Можеби тоа за нас ќе биде пат кон финале и кон нов трофеј, -изјави Солскјер кој потоа се осврна и на моменталниот состав кој доби дополнителен квалитет со доаѓањет на Бруно Фернандеш.

– Го донесовме Бруно и тоа беше возбудливо.  Имаме и три играчи кои претходно потпишаа. Тоа ни донесе стабилност и можност да изгледаме се подобро, -изјави Солскјер.