Поврзете се со нас

Лига на шампиони

Солскјер: Денеска ни недостасуваше само едно нешто

Објавено

на

blank

Манчестер Јунајтед има за што да жали оваа вечер во Лигата на шампионите, посебно ако се земе во предвид какви две колосални шанси не реализираа избраниците на Оле Гунар Солскјер на стартот на вториот дел при резултат 1:1.

Антони Марсијал го префрли цел гол во стопроцентна прилика и буквално се посрамоти кога сите ја гледаа топката во мрежата, а потоа, видовме мајсторски обид од страна на Единсон Кавани кој заврши во гредата од голот на гостите.

Овие две неискористени шанси скапо ги платија избраниците на Оле Гунар Солскјер, кој во продолжение примија два гола, а Фред заработи и црвен картон. Во ситуацијата со Бразилец, Оле научи една сурова тренерска лекција, бидејќи одлучи да го остави играчот за врска на теренот и покрај тоа што беше поштеден од црвен картон во првото полувреме.

– Фред имаше среќа што остана на теренот во првото полувреме. Зборував со него на паузата и размислував дали да го извадам. Но, тој играше добро и правеше добри работи од фудбаласка гледна смисла. Побарав да остане мирен во второто полувреме, вториот жолт картон ниту приближно не беше прекршок, тоа го знае и Андер Ерера.

– На вакви натпревари, круцијални се одлулувачките моменти, се работи за маргини. Денеска тие ги искористија своите шанси и имаа повеќе среќа. Денеска ни недостасуваше само едно нешто, а тоа беше завршувањето на акциите. На последниот меч со Лајпциг одиме на победа, – додаде Оле кој откри и дека Рашфорд го завршил мечот со повреда.

– Станува збор за повреда на рамото, ќе видиме колку брзо ќе може да се опорави. Се надевам дека ќе можам да сметам на него за мечот со Вест Хем.

Реклама
Реклама
Реклама

Facebook

Популарни