Солскјер блиску до враќање на европската фудбалска сцена

Оле Гунар Солскјер направи подолга пауза во својата тренерска професија, но се чини дека е блиску до враќање на големата сцена.

Норвешкиот стручњак е во финални преговори со турскиот прволигаш Бешикташ и се очекува наскоро да биде претставен како нов тренер на овој клуб.

Бешикташ претходно го отпушти Џовани ван Бронкхорст и тоа поради слабата резултатска серија, а Солскјер сега е подготвен да ја преземе функцијата во екипата која се наоѓа на шестото место на табелата во турското првенство.

Норвежанецот немаше ангажман уште од 2021 година, кога заработи отказ од Манчестер Јунајтед.

Претходно работеше во Молде и Кардиф, а Бешикташ и директно ја извести јавноста дека е во финална фаза на преговори со Солксјер како наследник на Ван Бронкхорст.