Соиграч на Миовски ја креираше утката на сезоната во ЛШ, Македонецот се фаќаше за глава (Видео)

Бојан Миовски повторно е стартер на натпревар кој го игра Џирона, а Македонецот беше дел од акцијата во која негов соиграч по се изгледа го режираше промашувањето на сезоната во Лигата на шампиони.

Шпанскиот претставник не реализираше колосална шанса за предност во првите 45 минути од мечот против Штурм Грац, епилог по кој сензација на социјалните мрежи стана Иван Мартин.

Соиграчот на Миовски доби идеално додавање од Брајан Хил, но кога требаше да ја проследи топката во празната мрежа, тој го префрли цел гол и ги шокираше сите свои соиграчи, вклучувајќи го и Миовски кој се фаќаше за глава.

Несфатливото промашување веќе на големо се врти на социјалните мрежи, а фановите со неверица го коментираат потегот како утка на сезоната во најелитното натпреварување.

За да биде уште полошо, Штурм на стартот на вториот дел постигна гол за 1:0, па Џирона по 60 минути игра има негатива во Австрија.

Que atire a primeira pedra quem nunca falhou uma destas 🪨 #DAZNChampions pic.twitter.com/5LCFxiswOm

— DAZN Portugal (@DAZNPortugal) November 27, 2024