Соиграч на Меси во Интер Мајами: Реми е неприфатлив резултат за Меси

Интер Мајами постави многу рекорди, но не успеа да ја заврши сезоната на посакуван начин, доживувајќи елиминација уште во првото коло на МЛС плејофот.

Неуспехот беше голем удар и за првата ѕвезда Лионел Меси, а тоа го потврдува и изјавата на неговиот соиграч, Џулијан Гресел, кој потенцира дека Аргентинецот бил лут дури и кога неговата екипа освојувала само бод од некој натпревар во првиот дел од сезоната.

– Кога се работи за Меси, дури и ремито е неприфатливо.

– Имавме неколку такви натпревари и се сеќавам дека Лео беше многу вознемирен во соблекувалната и со став дека не смееме да си дозволиме да не победиме.

– Дури и тренерот Мартино мораше да се инволвира во некои ситуации и да му објаснува дека не можеме секогаш да победуваме и дека МЛС не е натпреварување како другите во кои настапувал.

– Кога бевме елиминирани од Атланта, во соблекувалната беше тивко, сите гледаа во празно и не можеа да поверуваат што се случило на теренот, – открил американскиот фудбалер.