Соиграч на Елмас му се извини на Одегард кој заработи повреда на дуелот во Осло

Мартин Одегард се движел со патерици по незгодната повреда на зглобот на дуелот меѓу Норвешка и Австрија во Лигата на нации, па се поверојатно е дека нема да може да му помогне на Арсенал на претстојното градско дерби со Тотенхем.

Норвежанецот е еден од клучните играчи во составот на Микел Артета, но го напушти теренот во Осло со солзи во очите, како последица на незгодната повреда за која и селекторот Солбакен истакна дека не изгледа добро.

Одегард ја доби повредата по дуелот со Кристоф Баумгартнер, кој реши јавно да му се извини на Норвежанецот за својот удел во она што може да донесе принудна пауза за креативниот играч од средниот ред.

– Сакам искрено да му се извинам на Мартин Одегард, никогаш немав намера да го повредам овој неверојатен фудбалер. Му посакувам се најдобро и брзо закрепнување, напишал соиграчот на нашиот Елиф Елмас во редовите на РБ Лајпциг.

Christoph Baumgartner apologised on his Instagram story for his part in Martin Odegaard’s ankle injury 😬

The Norwegian was spotted in crutches and is now a massive doubt for the North London Derby 😳

Great sportsmanship from the Austrian 👏 pic.twitter.com/2i7w6p4cb8

— SPORTbible (@sportbible) September 10, 2024

Деновиве ќе биде познато колку е сериозен проблемот на Норвежанецот, а уште отсега е јасно дека Артета на дербито со Тотенхем нема да смета на суспендираниот Рајс и повредениот Мерино.