Собослаи со мангупски пенал во 99. минута го надмудри заменикот на Тер Штеген (Видео)

Јулијан Нагелсман ги измеша картите и им даде шанса на играчи кои поретко добиваат прилика да се најдат во стартните 11, но дури и во такви услови, Германија беше блиску до нова победа во Лигата на нации.

Всушност, „панцирите“ имаа водство од 0:1 до самата завршница во Будимпешта, но поради играње со рака на Кох, во 99-та минута беше покажано на белата точка по проверка на ВАР.

Доминик Собослаи ја презема одговорноста и со мангупски пенал го надмудри нибел и „поништи“ голот на Нмеча, па така не дозволи нов пораз за Унгарија во Лигата на нации.

Конечниот епилог (1:1) немаше никакво директно влијание врз изгледот на групата, бидејќи Германија остана прва, Холандија втора, а Унгарија трета.

Во понизок ранг во Лигата Б од оваа група се сели селекцијата на Босна и Херцеговина.

Видеото погледнете го ТУКА