Собирачот на топки на Хофенхајм ги допре мускулите на Адама и почна да се фаќа за глава (Видео)

Адама Траоре почна да ги прикажува партиите кои се очекуваа од него во Фулам дури во завшрницата од минатата сезона, но затоа сега се очекува да тргне максимално ангажирано од самиот старт.

Шпанецот има навистина одлични летни подготовки и тоа го потврди со гол против Хофенхајм на последната контролка пред новата сезона во Премиер лигата, но едно видео од мечот со германскиот тим стана навистина споделувано во последните 48 часа.

Малите фудбалски фанови и собирачите на топки често знаат да доијат автограми и сувенири од фудбалските ѕвезди, но Адама овојпат доби барање кое досега не го добил.

Собирачот на топки на Хофенхајм не побара дрес или нешто слично, туку сакаше да ги допре мускулите на еден од најподготвените играчи во светскиот фудбал.

Траоре му даде зелено светло на собирачот на топки, по што овој се увери во цврстината на Адама и почна да се фаќа за глава.

Adama Traore has left a lasting impression on our ball boys 💪👀 pic.twitter.com/kyHvQK1zX9

— TSG Hoffenheim EN (@tsghoffenheimEN) August 12, 2024