Снукер скандал: Елитен играч суспендиран поради местење резултати

Најголемите снукер ѕвезди го започнаа настапот на Отвореното првенство на Англија, но меѓу нив овојпат ќе нема еден од најдобрите млади играчи на денешницата.

Се работи за кинескиот играч Јан Бингтао, кој денеска е суспендиран со обвинување дека е вмешан во мрежа за местење снукер натпревари.

22-годишниот професионалец нема да може да се натпреварува до крајот на истрагата, а наводно постојат докази дека учествувал во манипулирање со резултатите на своите мечеви, како дел од поврзаноста со профитирање од обложување на истите.

Бингтао се наоѓа на 16. место на светската ранг листа и постојано беше дел од завршниците на најпрестижните турнири, за денеска наместо да го започне турнирот во Брентвуд, да добие суспензија.

Истрагата за местење снукер натпревари започна пред неколку месеци со суспензија на неговиот сонародник Лианг Венбо, како и уште неколку послабо рангирани играчи.

Yan Bingtao has been suspended.

— World Snooker Tour (@WeAreWST) December 12, 2022