„Снајперистот“ Јакимовски со супер партија донесе победа за Колорадо во НЦАА лигата (ВИДЕО)

Андреј Јакимовски поради обврските кон Колорадо не можеше да и помогне на македонската репрезентација и во овој квалификациски „прозорец“, но нашиот ас игра одлично во НЦАА лигата каде најновиот блесок го имаше во соочувањето со Бејлор.

Јакимовски беше лидер во изненадувачката победа на Бафалос од 76:74. Македонецот беше прв стрелец во својот тим со 17 поени при што реализираше 5 тројки од 9 обиди, плус беше најдобар скокач (7) и најдобар асистент (5), украде 1 топка или поточно имаше МВП издание на овој натпревар.

Зад него во екипата беше Смит со 13 кошеви.

Нареден ривал за Андреј и другарите е универзитетот Канзас.