Снајдер со жестоки критики за играчите на Ајакс: Исфрлете го Тадиќ, Санчез и Алварез немаат поим од фудбал

Некогашниот прославен холандски фудбалер, Весли Снајдер ја коментираше ситуацијата во редовите на Ајакс, тим кој се наоѓа во тешка резултатска криза.

„Копјаниците“ испаднаа од Лигата на шампионите, а во првенството немаат победа веќе седум кола со ред, а чашата ја прели последното реми со Волендам (1:1).

Ајакс е на 5. место на првенствената со седум бодови заостанување зад Феенорд кој во моментов е лидер во холандскиот шампионат. Тоа значеше и крај за досегашниот тренер Алфред Шројдер кој заработи отказ, а од Ајакс веќе се во потрага по негова замена.

Весли Снајдер уште од сега упати совет до новиот тренер кој треба да пристигне во клубот, веднаш да го исфрли Душан Тадиќ од првиот тим и би го вратил Баси.

– Што јас би променил? За почеток од тимот би го исфрлил Тадиќ. Би го вратил отпишаниот Калвин Баси и полека би почнал да ја враќам самодовербата во тимот.

– Не сум фан ниту на Жорге Санчез ни Едсон Алварез. И двајцата немаат поим од фудбалот, -изјави остриот Снајдер.