Слот за среќната победа во Париз: Како што би рекол Мајкл Џордан…

Арне Слот го подготвува Ливерпул за дуелот со Саутемптон во домашното првенство, но и денеска новинарите не пропуштиле да му постават прашања поврзани со победата над ПСЖ во Лигата на шампионите.

Ливерпул беше надигран од противникот, но на крајот ги казни промашувањата на Французите и славеше со голот на Елиот. Слот го објаснил она што се случувало во Париз со една изјава на кошаркарска легенда.

– Можам да кажам дека имавме не малку, туку малку повеќе среќа во Париз.

– Но, како што еднаш кажа Мајкл Џордан, колку понапорно работиш, толку повеќе среќа ќе имаш, што може да биде само најголем комплимент за моите фудбалери.

– Навистина работеа напорно, посебно во второто полувреме во кое не дозволивме противникот да ја контролира играта како во првото, – рекол Слот.