Слот за промашените пенали на Мбапе и Салах: Двајцата покажаа…(ВИДЕО)

Ливерпул го доби дербито на колото во Лигата на шампионите и со тоа го задржа перфектниот учинок во елитното натпреварување.

Реал Мадрид падна на „Енфилд Роуд“ со резултат 2-0 со погодоците кои ги постигнаа Мек Алистер и Гакпо. Интересно на овој дуел видовме и два нереализирани удари од 11 метри и тоа во второто полувреме од асови кои важат за доста сигурни од белата точка-Килијан Мбапе и Мохамед Салах.

Французинот не успеа да го совлада Келехер во 61 минута, додека пак Мо во 70 минута го надмудри Куртоа, меѓутоа само ја погоди рамката од неговиот гол.

-Во двете ситауции сигурно помисливме дека ќе дадат гол. Промашија, па двајцата ни покажаа дека се луѓе. Во случајот на Мбапе, Келехер беше извонреден. Тој е одличен за нас, исто како и другиот наш голман кој исто така беше извонреден, -истакна менаџерот на „црвените“ Арне Слот.

Голманот Келехер пак посочи дека имал самодоверба дека ќе го одбрани пеналот на ѕвездата на Реал.

-Бев самоуверен и за среќа повторно погодив каде ќе шутира. Ооа е голем резултат. Ооа е огромен резултат за нас. Сакавме да излеземе вечерва и да имаме супер настап и браво за момците што го направија тоа, -порача Келехер.