Слот за преговорите за нов договор со Салах: Неговата форма е проблем…

Потврда за одличната форма на Ливерпул сезонава е и добрата позиција на „црвените“ на повеќе фронтови, па менаџерот Арне Слот во одличен и посакуван амбиент го подготвува својот тим за соочувањето со Њукасл.

Холандскиот стручњак имал време да коментира и други сегменти поврзани со клубот од „Енфилд“, вклучувајќи го и нејасниот статус на Мохамед Салах, чиј договор истекува на крајот на сезоната.

Слот бил прашан да искоментира дали формата на Салах ги комплицира или олеснува преговорите за нов договор, а тој одговорил на интересен начин.

– Таа ситуација може да ја гледате од две страни. Можете да кажете дека колку подобро игра, толку ќе биде и поскап или ако играше лошо дека ние ќе размислевме уште еднаш дали сакаме да ја продолжиме соработката.

– Мислам дека за сите е најдобро да гледаме вакви негови перформанси, а ова не важи само за оние кои треба да го платат, – рекол Слот.