Слот за Ливерпул: Најдоброто допрва доаѓа!

Ливерпул е екипата која е во најдобра форма во најдобрите лиги во Европа, но и во европските натпреварувања под капа на УЕФА.

Премиерлигашот е лидер во домашниот шампионат, ама и во Лигата на шампионите каде има перфектни шест од шест. Овие резултати дефинитивно се изненадувања затоа што „црвените“ го загубија Јирген Клоп, човекот кој го вивна клубот во фудбалските височини и го назначи Арне Слот за кого ова е прво искуство надвор од Холандија, меѓутоа засега се му оди од рака.

Слот не смета дека неговиот тим „лета“ туку дека добро му оди, ама е убеден дека допрва доаѓа најквалитетното од екипата.

-Не летаме, но добро ни оди. Мислам дека ќе има повеќе од играчите во тимот отколку што досега покажавме. Ама тоа е нешто што секој менаџер го чувствува. Колку подолго работите со тим, толку повеќе, толку подобро ќе започнете да играте и толку повеќе тие се навикнати да играат заедно.

-Но, тоа не е само за нас, веројатно е исто и за неколку други тимови, туку и од нив. Навистина веруваме дека можеме… Во ред, има неколку кои можеби не е толку лесно да се извлече повеќе од нив поединечно – но како тим можеме да направиме подобро и дефинитивно има повеќе да дојде од неколку поединци, и поради нивната возраст.

-И тоа е позитивната работа во тимот што го наследив, повеќето од нив се сè уште прилично млади, а најдобрите години нормално допрва доаѓаат, -порача Слот.