Слот за иднината на Трент: Начинот на кој го прослави голот кажува многу….. (Фото)

Трент Александер Арнолд многумина веќе го преселија во Реал Мадрид и го најавија неговиот трансфер во месец јануари, но самиот фудбалер останува недостапен за новинарите и со медиумскиот молк само прави да има разноразни шпекулации за неговата иднина.

Арне Слот во ниту еден случај не сака да го загуби дефанзивецот и тоа го повтори во неколку наврати во изминатите месеци, меѓутоа менаџерот сега е се поубеден во сценарио различно од она што го најавуваат медиумите, пред се и поради прославата на Трент по голот против Вест Хем.

Арнолд засега се одлучува да дава одговори на фудбалскиот терен, па така вчера од Лондон испорача јасна гестикулација, алудирајќи дека во јавноста „премногу се зборува“ за неговата иднина.

– Начинот на кој го прослави голот кажува многу работи за неговата иднина, – порача Слот, кој ваквиот гест на Трент го оцени како јасен сигнал дека тој ќе остане во Ливерпул.

Трент е една од трите ѕвезди на Ливерпул со кои клубот води интензивни преговори за нов договор, но истовремено, тој е и фудбалерот кој е најблиску до заминување од „Енфилд“ со оглед на тоа што сериозен интерес пројави „кралскиот клуб“.

Trent Alexander-Arnold #WHULIV pic.twitter.com/uiuVoxPY9v

— Q (@HQwallp) December 29, 2024