Слот за иднината на Александер-Арнолд: Можам само да кажам…

Трент Александер-Арнолд е една од трите ѕвезди на Ливерпул на која му завршува договорот на крајот на оваа сезона, но воедно и единствен играч од тројката (Мохамед Салах и Вирџил Ван Дајк) за кого се шпекулира дека може да го напушти клубот уште во овој зимскиот преоден рок.

Реал Мадрид според дел од медиумите е подготвен да плати и да го доведе Англичанецот на „Бернабеу“, но во исто време е спремен и да почека до летово за да без обештетување го добие потписот на десниот бек.

Засега останува се отворено со многу прашалници, но дека се може да се случи говори и коментарот на менаџерот Арне Слот кој истакна дека само една работа е сигурна, а тоа е дека Трент ќе игра во дербито со Манчестер Јунајтед.

-Можам да ви кажам дека ќе игра во недела и се надевам дека ќе ги донесе истите перформанси како што ги имаше во последната половина година. Мислам дека сите видоа колку одлична прва полусезона имаше, колку е тука, колку сака да победи овде. Го гледам на тренинзите, како работи секој ден. Тој е целосно посветен на нас и ќе игра во недела.

-Убеден сум дека тој ќе игра за нас во недела и мислам дека е толку тешко во фудбалот да се зборува за тоа што ќе се случи за еден месец или за шест месеци. Можете исто така да ми го поставите прашањето: „Дали си убеден дека Вирџил и Мо ќе бидат тука тука следната сезона? Тоа е толку тешко прашање да се одговори бидејќи тешко дека има долг рок во фудбалот, особено не за менаџер, така што вашиот единствен фокус е на краток рок. Единственото нешто што знам е дека тој [Александар-Арнолд] е целосно фокусиран и подготвен да игра за нас во недела и се додека е тука, -порача Холанѓанецот.