Слот за црвениот картон на градското дерби: Требаше да реагирам поинаку

Премиер лигата отвори истрага за менаџерот на Ливерпул, Арне Слот и останува да се види каква суспензија ќе добие за црвениот картон кој го доби по завршувањето на градското дерби со Евертон.

Холандскиот стручњак доби црвен картон откако саркастично му ја честитал добро завршената работа на главниот судија Мајкл Оливер, само неколку моменти откако Евертон постигна гол за реми.

Слот денеска зборувал пред новинарите и на оваа тема.

– Во моментов има процес за оваа ситуација и не е коректно да споделувам детали.

– Сепак, во долгото продолжение се случија многу работи и емоциите ме надвладеаја. Би реагирал поинаку ако можам да го вратам времето, се надевам дека ќе реагирам поинаку следниот пат кога ќе се најдам во ваква ситуација, – рекол Слот, чиј Ливерпул и натаму има солидна предност на врвот на премиерлигашката табела.