Слот со коментар за потврденото останување на Гвардиола во Сити: Тоа е добра вест!

Арне Слот денеска ги реализирал вообичаените обврски кон медиумите, одржувајќи прес-конференција во пресрет на дуелот меѓу Ливерпул и Саутемптон.

Покрај тоа што зборувал за ситуацијата во редовите на актуелниот лидер во Премиер лигата, холандскиот стручњак бил прашан за коментар и околу информацијата дека Пеп Гвардиола го продолжил договорот со Манчестер Сити на уште две години.

– Тоа е добра вест за Сити и за лигата, бидејќи сите сакаат овде да бидат најдобрите фудбалери и најдобрите тренери.

– А, тој дефинитивно е еден од најдобрите, ако не и најдобар менаџер.

– Сити освои четири титули по ред под негово водство, но дури и да замине, со овој тим со кој располага Сити, сигурно нема да се бори за опстанок, – рекол Слот.